२५ चैत्र २०८२
  
नारायणी सिँचाइ व्यवस्थापन कार्यालयले गण्डक नहरमा थुप्रिएको बालुवा, माटो तथा झारपात हटाउँदै सरसफाइ अभियानलाई तीव्र गतिमा अघि बढाएको छ। चालु आर्थिक वर्षमा कार्यालयले मुख्य नहरतर्फ पर्सामा छ किलोमिटर र बारामा पाँच किलोमिटर सरसफाइ तथा मर्मतसम्भार थालेको छ।

कार्यालयका प्रमुख मनोजप्रसाद पटेलका अनुसार नहरमा माटोसहितको गेग्र्यान थुप्रिँदै जाँदा नहरको आकार खुम्चिँदै गएको थियो। “मुख्य नहरमा कार्यालयकै उपकरण र जनशक्ति परिचालन गरेर सरसफाइ गरेका छौं,” उनले भने, “नहर वरपर स्थानीयले गरेको अतिक्रमणका कारण निकालिएको फोहोर व्यवस्थापनमा चुनौती थपिएको छ।”

नहर आसपासको जग्गा अतिक्रमण हुँदा नहरबाट निकालिने माटो, बालुवा र झारपात व्यवस्थापन गर्न कठिनाइ भएको छ। “स्थानीयले नहर किनारमा घरटहरा, माछापोखरीलगायत संरचना निर्माण गर्दा सरसफाइपछि निस्कने वस्तु व्यवस्थापनमा समस्या भइरहेको छ,” उनले भने। 
गण्डक नहरको करिब २५ देखि ३० स्थानमा अतिक्रमणका समस्या देखिएको र त्यसको समाधानका लागि स्थानीय प्रशासन समन्वय भइरहेको उनले बताए।

शाखा नहरतर्फ पाँच खण्डमा विभाजन गरी ७५ किलोमिटर सरसफाइका लागि ठेक्का प्रक्रिया अघि बढाइएको छ। प्रत्येक खण्डमा १५ किलोमिटरका दरले काम गर्ने गरी करिब ४५ लाख रुपैयाँमा ठेक्का स्वीकृत भएको छ। गण्डक नहर संरचना  ५० वर्ष पुरानो भएकाले नियमित मर्मतसम्भार आवश्यक रहेको उनले बताए।

नेपाल र भारतबीच सन् १९५६ डिसेम्बर ४ मा गण्डक सिँचाइ तथा जलविद्युत् आयोजना सम्बन्धी सम्झौता भएको थियो। सोही सम्झौता अनुसार भारत सरकारले नारायणी नदीमा ‘ब्यारेज’ निर्माण गरेको हो। यहाँबाट मुलुकको २८ हजार हेक्टरमा  सिँचाइ सुविधा पुगेको छ।

भारतमा मृत्यु भएकी प्रकृति लम्सालको न्यायको माग गर्दै अनेरास्ववियु मध्यविन्दुद्वारा दीप प्रज्वलन , ह्यारेस्मेन्टका कारण आत्महत्या गरेको वुवा सुनिल लम्सालको आरोप

प्रिय धन  , मध्यविन्दु l भारतको उडिसा स्थित केआइआइटी विश्वविद्यालयमा अध्ययनरत नेपाली छात्रा प्रकृति लम्सालको रहस्यपूर्ण मृत्युपछि प्रकृतिको

नवलपुर सेवा समाज यूएई द्वारा सरस्वती आधारभूत विद्यालय मध्यविन्दु १२ मा अक्षयकोष स्थापना l

प्रिय धन , नवलपुर l सरस्वती आधारभूत विद्यालय मध्यविन्दु १२ मा अक्षयकोष स्थापना गरिएको छ l नवलपुर सेवा समाज यूएई द्वारा ३० हजार रुपैयाँको अक्षयकोष

बाघखोर युवा क्लवका संस्थापक अध्यक्ष आदेश ज्ञवालीले क्लवमा अक्षयकोष स्थापना l

प्रिय धन , २२ माघ २०८१ l बाघखोर युवा क्लवका संस्थापक अध्यक्ष आदेश ज्ञवालीले क्लवमा अक्षयकोष स्थापना गर्नुभएको छ l मंगलबार आज विश्व क्यान्सर दिवसको