नवगायक सञ्जय देवकोटाको पहिलो अफिसियल गीत सार्वजनिक भएको छ ।
देवकोटा र एलिना चौहानको स्वरमा पहिलो गीत ‘कुरा बुझिदेउ न’ सार्वजनिक भएको हो ।
कावासोतीको कावासोती सिने म्याक्समा प्रिमियम शोकाबीच उक्त गीत सार्वजनिक गरिएको हो । श्रीधर अधिकारीको शब्द रहेको गीतमा अधिकारीले नै संगीत भरेका छन् ।
गीतको भिडियोमा चर्चित गायक तथा मोडल दुर्गेश थापा, सञ्जय देवकोटा स्वयं, संचिता बोलाके, प्रिंसिका श्रेष्ठ फिचर्ड छन् । भरतपुर र नवलपुरका बिभिन्न क्षेत्रमा छाँयाकन गरिएको गीतको भिडियोमा सञ्जय विश्वकर्माको निर्देशन तथा कोरियोग्राफी रहेको छ ।
गीतको भिडियो सुरेश काफ्ले र आरडी दुलालले खिचेका हुन् भने अमृत चापागाईले सम्पादन गरेका हुन् । सांगितिक कार्यक्रमहरुमा प्रस्तोता र गायकको रुपमा परिचित देवकोटाले आफ्नो पहिलो प्रयासलाई हेरेर सुनेर प्रतिकृया दिन आग्रह गरेका छन् । देवकोटा सेन्ट्रल कलेज अफ भोकेसनल ट्रेनिङ सेन्टरमा पनि आवद्ध रहेका छन् ।
प्रतिकृया दिनुहोस